Internacia Esperanto-Kalendaro - listo pri Esperanto-renkontiĝoj, kongresoj, festivaloj!

Kiam, kie, kio okazas? - La "Internacia Kalendaro" listigas ĉiujn konatajn Esperanto-renkontiĝojn, kongresojn, festivalojn, kiuj akceptas vojaĝemajn esperantistojn kiel partoprenantoj.

La Kalendaro havas 2 ĉefajn avantaĝojn:

– Individuaj esperantistoj povas trovi en unu loko la ĉefajn informojn pri ĉiuj Esperanto-aranĝoj, kun iliaj retejoj kaj kontakt-adresoj de la organizantoj. Krome, oni povas vidi la date najbarajn aranĝojn kaj efike plani sian vojaĝadon.

– La organizantoj (krom efike reklami sian aranĝon) povas informiĝi pri datoj de tempe kaj geografie proksimaj renkontiĝoj, kaj povas eviti koliziojn.

La registrado de novaj aŭ mankantaj renkontiĝoj estas senpaga kaj simpla afero pere de formularo en la komenco de la kalendara listo.

Indas registri ankaŭ la malgrandajn, lokajn renkontiĝojn, ja tio donas ŝancon por eventualaj eksterlandaj esperantistoj, ĝuste tiutempe turismantaj en la proksimeco trovi kontakton kaj partopreni vian aranĝon...

La Internacian Kalendaron funkciigas teamo de la Esperanto-Centro "Eventoj/Lingvo-Studio" en Budapeŝto. La Kalendaro funkcias jam ekde 1996, kaj enhavas jare ĉ. 250 Esperanto-aranĝojn (en 2012: 244 aranĝoj, en 2013 ĝis nun: 194).

Kiel vi povas helpi?

- Per registrado de aranĝoj: anoncu informojn de novaj aranĝoj, aŭ korektojn/aktualigojn pri ili!

- Helpu diskonigi la Kalendaron! Aperigu ĝian emblemon kaj faru ligilon al ĝi en via retejo!

- Ŝatu aŭ kundividadu la kalendaran retejon en sociaj retoj kiel Facebook!

Se vi ŝatus esti regula kunlaboranto en nia teamo kun redaktora rajto, bv. kontakti nin: Szilvási László, szilvasi ĉe eventoj.hu

Adreso de la Internacia Esperanto-Kalendaro: http://www.eventoj.hu/kalendaro.htm

Ni dankas vian helpon, kaj ĝuu la Kalendaron!

Kore, Szilvási László

fonto: L.S. / Ret-Info